Autoritetet e qytetit të New Yorkut njoftuan dje se do të dëbojnë shumë njerëz të pastrehë që jetojnë në metro, por po drejtojnë gishtin drejt tyre në lidhje me rritjen e fundit të krimit.

Që nga shpërthimi i pandemisë COVID-19 në vitin 2020, shkalla e delikuencës dhe varfërisë ekstreme është rritur në qytetin njujorkez, veçanërisht në metro, megjithëse nuk ka arritur nivelin që kishte në vitet 1980 dhe 90-ta.

Kryebashkiaku Eric Adams, një demokrat i qendrës së djathtë dhe ish-oficer policie, njoftoi se kishte udhëzuar policinë dhe punonjësit socialë që të dëbonin këdo që flinte në vagonë treni, korridore dhe platforma të metrosë, raporton nytimes.

Kryebashkiaku me ngjyrë, i cili mori detyrën më 1 janar dhe iu desh të përgjigjej ndaj një sërë sulmesh me armë dhe vrasjesh, njoftoi se Departamenti i Policisë së New Yorkut (NYPD) do të zbatonte rregulla më të rrepta kundër duhanpirësve të fshehtë dhe të varurve nga droga.

Ndërkohë, Guvernatorja e New Yorkut, Kathy Hochul, tha se do të kërkonte hapjen e një strehimore me 500 shtretër shtesë në një metropol prej 9 milionë banorësh me pabarazi të larta sociale dhe ekonomike.

Sipas policisë, 488 persona u vranë në qytet në vitin 2021, që është një rritje e lehtë në krahasim me vitin 2020 (468 të vrarë, pas 319 në 2019). Krimi i dhunshëm në metro u rrit me 25 për qind midis 2019 dhe 2021. Por krimi i të gjitha llojeve në metro përbën vetëm 2 për qind të krimit në këtë qytet të madh me pesë lagje (Manhatan, Brooklyn, Queens, Bronx dhe Staten Island). /Telegrafi/